Ukrayna qaz və neft emalı sahəsində Azərbaycanla əməkdaşlığı inkişaf etdirməkdə maraqlıdır.
APA -nın məlumatına görə, bu fikirləri Ukrayna Prezidenti Viktor Yanukoviç MDB, Baltik ölkələri və Gürcüstan Baş Redaktorlar Klubunun üzvləri ilə qeyri-rəsmi görüşdə deyib.
"Biz daim Azərbaycanda olan tərəfdaşlarımızla danışıqlar prosesindəyik. Hesab edirik ki, qaz və neft emalı sahəsində münasibətlər qurmaq həm Azərbaycan, həm Ukraynaya xeyirlidir. Bu işin bir hissəsi artıq görülüb.
Hazırda Ukrayna Azərbaycandan hər il 4 milyon tona yaxın neft alır".
Prezident həmçinin bildirib ki, Ukrayna müxtəlif enerji layihələrində, xüsusilə qaz nəqliyyat layihələrində iştirakda maraqlıdır: "Ölkəmiz bunun üçün müvafiq resurs və təcrübəyə sahibdir".