İsveç Azərbaycanlıları Konqresi (İAK) İranda azərbaycanlı gənc şairlər Şəhriyar del Geraninin və Fərid Hüseynin həbs edilməsi ilə əlaqədar beynəlxalq təşkilatlara, İsveç parlamentinə və hüquq-müdafiə qurumlarına müraciət ünvanlamışdır. 
Diasporla İş üzrə Dövlət Komitəsindən bildirmişlər ki, İsveçdə və digər ölkələrdə yerləşən beynəlxalq təşkilatlara ünvanlanan müraciətdə şairlərin həbs olunmasından narahatlıq ifadə edilmiş, onların tezliklə azadlığa buraxılmasına dəstək verilməsinin vacibliyi vurğulanmışdır.
İAK Azərbaycan Yazıçılar Birliyinin katibi Çingiz Abdullayevin bu məsələ ilə bağlı müraciətini də dəstəklədiyini bəyan etmişdir.