İyunun 13-də ABŞ Senatının Xarici Münasibətlər Komitəsində Senator Cin Şahinin sədrliyi ilə keçiriləcək dinləmələrdə amerikalı diplomat Riçard Morninqstarın Azərbaycana səfir göndərilməsi məsələsi müzakirə olunacaqdır. 
Hazırda ABŞ-ın Dövlət Departamentində Avrasiya enerjisi məsələləri üzrə xüsusi nümayəndə vəzifəsində çalışan R.Morninqstarın namizədliyi ABŞ-ın Azərbaycana səfir göndərilməsi barədə namizədliyi bu il aprelin 27-də Prezident Barak Obama tərəfindən irəli sürülmüşdür. Avrasiya bölgəsi ilə yaxından tanış olan 67 yaşlı diplomat əvvəlki vəzifələrində ABŞ-ın Avropa İttifaqında səfiri, eləcə də ABŞ Prezidenti və dövlət katibinin keçmiş sovet ölkələri üzrə xüsusi müşaviri kimi xidmət etmişdir.
Xatırladaq ki, Birləşmiş Ştatların Azərbaycanda səfiri vəzifəsi ötən ilin dekabrından bəri vakant qalmaqdadır. Prezident B.Obamanın ilk namizədi Mətyu Brayzə Senatın Xarici Münasibətlər Komitəsində erməni maraqlarını təmsil edən üzvlərinin müqaviməti nəticəsində təsdiqlənməmiş, Prezident "tətil təyinatı" hüququndan istifadə edəndən sonra ABŞ-ın Azərbaycandakı səfirliyinə yalnız bir il başçılıq edə bilmişdir.

Şəfəq AKİFQIZI, AzərTAc-ın xüsusi müxbiri
Vaşinqton