Mən Azərbaycan haqqında ilk dəfə 40 il əvvəl Çikaqoda tələbə olarkən müəllimimdən məlumat almışam. Azərbaycan o zaman Sovet İttifaqının tərkibində olan müsəlman ölkələri arasında qərbyönümlü və müasirliyi ilə seçilirdi. İttifaq dağıldıqdan sonra Azərbaycan çətin sınaqla qarşılaşmışdı.
Həm itirilmiş ənənələri, həm də müstəqilliyi bərpa etməli idi. Bu gün biz füsunkar uğurların şahidiyik. Bu uğurların təməlində Azərbaycan rəhbərliyinin və ABŞ Administrasiyalarının cəsarəti, inamı və qətiyyəti dayanır. Bu, ABŞ prezidentinin kim olmasının asılı olmayaraq milli maraqlara söykənir. 20 illik əməkdaşlıq hər iki tərəf üçün uğurlu olmuşdur.
Biz hazırda geosiyasi və geostrateji, hətta deyə bilərəm ki, geoiqtisadi erada yaşayırıq. Bu zaman enerji məsələləri klassik hərbi məsələlər kimi mühüm əhəmiyyət kəsb edir. Bu halda hər iki tərəf bu əlaqələri inkişaf etdirməlidir. Tərəfdaşlıq əlaqələrimiz yalnız qarşılıqlı faydalı olarsa, davamlı xarakter daşımağa qadirdir. Hər iki tərəf əməkdaşlığın qarşılıqlı faydalı, uğurlu olması və qarşıya qoyulan məqsədlərə çatmaq üçün öz töhfəsini verməli və səylərini artırmalıdır.

Stefen Blank, ABŞ Ordusu Kollecinin Strateji Araşdırmalar İnstitutunun professoru