Azərbaycan Respublikasının BMT yanında daimi nümayəndəsi səfir Aqşin Mehdiyev Birləşmiş Millətlər Təşkilatının baş katibi Pan Gi Mun ilə görüşmüşdür.
Azərbaycanın BMT yanındakı daimi nümayəndəliyindən bildirmişlər ki, görüşdə cari ilin mayından Azərbaycanın BMT Təhlükəsizlik Şurasına sədrliyinin başlanması, beynəlxalq sülh və təhlükəsizliyin qorunub saxlanılması, terrorçuluq ilə mübarizənin gücləndirilməsi kimi ölkəmizin diqqət mərkəzində olan məsələlər və nəzərdə tutulan tədbirlərlə bağlı fikir mübadiləsi aparılmışdır.
Həmçinin bölgəmizdə mövcud vəziyyət daxil olmaqla, bir sıra maraq kəsb edən məsələlərə toxunulmuş və təşkilatla əməkdaşlığın daha da dərinləşdirilməsi imkanları ətrafında müzakirələr aparılmışdır.
AzərTAc