Azərbaycanın Macarıstandakı səfirliyinə Macarıstanın Xarici İşlər Nazirliyinin (XİN) mayın 23-də Azərbaycanın işğal olunmuş ərazilərində keçirilmiş qondarma "parlament seçkiləri"nə mövqeyini əks etdirən məktub daxil olmuşdur.
Bu barədə Azərbaycan Xarici İşlər Nazirliyinin mətbuat xidmətindən verilmiş məlumatda qeyd olunur ki, sənəddə Macarıstanın XİN-i Avropa İttifaqının xarici əlaqələr və təhlükəsizlik siyasəti üzrə nümayəndəsi K.Aştodun qurumun Dağlıq Qarabağda qondarma "parlament seçki"ləri ilə bağlı mayın 21-də səsləndirdiyi mövqeyini əsas tutaraq, münaqişənin Azərbaycan Respublikasının ərazi bütövlüyü və suverenliyi nəzərə alınmaqla, sülh və danışıqlar vasitəsilə həll edilməsinin vacibliyini bildirmişdir.{nl}