Hər bir demokratik cəmiyyətdə insanların etiraz aksiyası, yürüş, mitinq keçirmək azadlığı təmin olunur. Demokratik dövlət olan Azərbaycanda da vətəndaşların ifadə, sərbəst toplaşmaq və digər hüquq və azadlıqları tam təmin edilmişdir.
Bu sözləri müxalifət partiyalarının gənclər təşkilatlarının keçirdiyi mitinqə münasibət bildirən Azərbaycan Respublikası Prezidenti Administrasiyasının ictimai-siyasi məsələlər şöbəsinin müdiri Əli Həsənov demişdir.
Şöbə müdiri bildirmişdir ki, qanunla müəyyən olunmuş qaydada insanların toplaşaraq öz fikirlərini, mövqeyini bildirmək üçün ölkəmizdə heç bir məhdudiyyət yoxdur. Müxalifət partiyalarını təmsil edən gənclərin keçirdikləri mitinqə də Azərbaycan dövləti normal yanaşır.

AzərTAc