Avropa Birliyi (AB) ilə Azərbaycan arasında viza rejiminin sadələşdirilməsi və readmissiya sazişləri üzrə danışıqların Bakıda keçirilmiş ilk raundunda tərəqqi əldə olunmuşdur.
APA-nın məlumatına görə, bu barədə AB-nin Azərbaycandakı nümayəndəliyinin rəhbəri Roland Kobia keçirdiyi mətbuat konfransında açıqlama vermişdir.
Bakının danışıqlara çox hazırlıqlı olduğunu qeyd edən R. Kobia hələ müzakirələrdən əvvəl Azərbaycan hökumətindən bəzi sənədlərə dair rəy alındığını bildirmişdir: "Heç də bütün ölkələr danışıqlara Azərbaycan qədər hazırlıqlı olmur".
R. Kobia prosesin nə vaxt yekunlaşacağına dair konkret fikir söyləməyin mümkün olmadığını demişdir: "Bu, daha çox siyasi iradədən asılıdır. Amma onu deyə bilərəm ki, Azərbaycan hökuməti bu məsələyə böyük diqqət və təşəbbüskarlıqla yanaşır".