Rusiya Federasiyasının Dövlət Dumasının sədri Boris Qrızlov bəyan etmişdir ki, Dağlıq Qarabağ ətrafında vəziyyətin yaxın perspektivdə nizamlanması üçün bütün şanslar vardır.
Mayın 31-də Yerevanda keçirdiyi mətbuat konfransında B.Qrızlov demişdir: "Hazırda kifayət qədər aydın addımların nəzərə çarpdığını - pespektivin olduğunu söyləmək olar. Yaxın vaxtlarda Dağlıq Qarabağda vəziyyəti nizamlamaq üçün lazımi qərarlar qəbul olunacaqdır".
Qeyd edək ki, Dövlət Dumasının sədri Kollektiv Təhlükəsizlik Müqaviləsi Təşkilatının Parlament Assambleyası Şurasının növbəti iclası çərçivəsində Ermənistanda birgünlük səfərdədir.
B.Qrızlov qeyd etmişdir ki, hələlik bu mövzuda çox ətraflı danışmaq istəmir, çünki Dağlıq Qarabağda vəziyyət çox həssasdır.
AzərTAc{nl}