Avropa Birliyi Şurası Ali nümayəndə və Avrokomissiyanı Dağlıq Qarabağ münaqişəsinə dair post-konflikt ssenari hazırlamağa çağırmışdır.
Avropa Birliyi (AB) Azərbaycan və Ermənistan arasında Dağlıq Qarabağ münaqişəsinin həlli prosesində irəliləyiş müşahidə edilməməsindən narahatdır.
APA-nın verdiyi xəbərə görə, Brüsseldə AB-nın xarici məsələlər üzrə Şurasının qəbul etdiyi qərarda Minsk Qrupunun və Rusiya Prezidenti Dimitri Medvedevin münaqişənin həlli yolunda fəaliyyətinə dəstək, eyni zamanda, qoşunların təmas xəttində gərginlikdən narahatlıq ifadə olunmuşdur.
Qərarda deyilir: "Sülhə və tərəflər arasında qarşılıqlı etimada nail olmaq yolunda AB fəal dəstək göstərməyə hazırdır. Bununla bağlı AB öz nümayəndələrinin Dağlıq Qarabağa və ətraf rayonlara səfər etməsinə imkan verilməsini zəruri hesab edir".
Avropa Birliyi Şurası Ali nümayəndə və Avrokomisiyanı Dağlıq Qarabağ münaqişəsinə dair post-konflikt ssenari hazırlamağa çağırmışdır. Bu ssenari AB-nın prosesdə iştirakı üçün əsas ola bilər.
Qərarda Azərbaycanın demokratik islahatların həyata keçirilməsində inkişafa nail olması, insan haqları və əsas azadlıqların təmin olunması, eləcə də korrupsiyaya qarşı mübarizəni gücləndirməsinin vacibliyi də vurğulanır.