Azərbaycan ABŞ üçün mühüm tərəfdaş və Qafqazda sülh və sabitliyin qorunmasında güclü qüvvədir.
Bu sözləri ABŞ dövlət katibinin müavini Ceyms Steynberq xarici jurnalistlərlə söhbətində demişdir.
Bir neçə ay əvvəl Münxendə Prezident İlham Əliyev ilə görüşü zamanı C.Steynberq ABŞ-ın Azərbaycan ilə əlaqələrə çox mühüm əhəmiyyət verdiyini vurğulamışdır.
O qeyd etmişdir ki, ABŞ Azərbaycan ilə bir sıra məsələlərdə yaxından əməkdaşlıq edir və Minsk prosesində (Dağlıq Qarabağ münaqişəsinin həllində) iştirak edir. Bu baxımdan Steynberq Prezident İlham Əliyevin ATƏT-in Minsk qrupunun işinə verdiyi dəstəyi xüsusi qiymətləndirmişdir.
ABŞ-ın bu məsələnin nizamlanması işinin çətin olduğunu bildiyini deyən dövlət katibinin müavini mövcud fikir ayrılığının həlli yollarının tapılmasının vacibliyini vurğulamışdır.
AzərTAc