Moskvada Rusiya və Türkiyə xarici işlər nazirlərinin görüşü keçirilmişdir

APA-nın Moskva müxbirinin verdiyi məlumata görə, Sergey Lavrov və Əhməd Davudoğlu arasındakı görüşdə ikitərəfli münasibətlər, Dağlıq Qarabağ münaqişəsi, Yaxın Şərq, İran və Suriya problemləri, Qara Dəniz İqtisadi Əməkdaşlıq Təşkilatı çərçivəsində əməkdaşlıq, terrorizmlə birgə mübarizə və digər məsələlər müzakirə olunmuşdur. Hər iki ölkə bu problemlərin həlli istiqamətlərində səylərini gücləndirmək qərarına gəlmişlər. Görüşün sonunda yekun Bəyannamə imzalanmışdır. 
Rusiya ilə Türkiyə arasında dialoq və digər sahələrdə qarşılıqlı münasibətlərin yüksək səviyyədə olduğunu vurğulayan Sergey Lavrov strateji planlaşdırma üzrə qrupun fəaliyyətini yüksək qiymətləndirmişdir.
Əhməd Davutoğlu isə Rusiya və Türkiyə arasında strateji ittifaqın yaradılmasını və bu çərçivədə strateji planlaşdırma üzrə qrupun fəaliyyət göstərməsinin xüsusi əhəmiyyət daşıdığını bildirmişdir.