Rəsmi Moskva belə hesab edir ki, Dağlıq Qarabağın statusu bu regionda "seçkilər" vasitəsilə müəyyənləşdirilə bilməz. Dağlıq Qarabağın gələcək statusu güc tətbiq olunmadan bütün tərəflərin iştirakı ilə Minsk prosesi çərçivəsində siyasi danışıqlar yolu ilə həll edilməlidir.
Bu bəyanatı Rusiya Xarici İşlər Nazirliyinin rəsmi nümayəndəsi Andrey Nesterenko vermişdir. Onun sözlərinə görə, Moskvada münaqişənin sülh yolu ilə tənzimlənməsi gedişinin Dağlıq Qarabağda keçirilən "seçkilərdən" asılı olduğunu hesab etmirlər.
Diplomat qeyd etmişir ki, Moskva beynəlxalq hüququn digər əsas norma və prinsipləri kimi Azərbaycanın ərazi bütövlüyü prinsipini dəstəkləyir. Rəsmi Moskva Dağlıq Qarabağı müstəqil dövlət qismində tanımır.{nl}