Dekabrın 21-də Azərbaycanın xarici işlər naziri Elmar Məmmədyarov ölkəmizdə səfərdə olan Çexiya Parlamentinin Nümayəndələr Palatasının sədr müavini Lyubomir Zauralenin başçılıq etdiyi nümayəndə heyəti ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, E.Məmmədyarov Azərbaycanın Çexiya ilə münasibətlərin inkişafına böyük əhəmiyyət verdiyini qeyd etmişdir.
Görüşdə Çexiya-Avropa İttifaqı (Aİ) münasibətləri, Azərbaycanın regional əhəmiyyəti və Aİ-nin enerji təhlükəsizliyinin təmin olunmasında ölkəmizin rolu barədə müzakirələr aparılmışdır.
Tərəflər, həmçinin qarşılıqlı maraq doğuran bir sıra məsələlər ilə bağlı fikir mübadiləsi aparmışlar.
AzərTAc