ATƏT-in Minsk qrupunun həmsədrləri İqor Popov (Rusiya), Bernar Fasye (Fransa) və Robert Bradke (ABŞ) Azərbaycanın Dağlıq Qarabağ bölgəsində separatçı rejim tərəfindən mayın 23-də keçirilmiş qondarma "parlament seçkiləri" ilə bağlı birgə bəyanatla çıxış etmişlər.
Bəyanatda bildirilir ki, Dağlıq Qarabağ nə ATƏT-in Minsk qrupuna həmsədrlik edən üç ölkə, nə də digər ölkələr, o cümlədən Ermənistan tərəfindən müstəqil və suveren dövlət kimi tanınmamışdır.
Həmsədrlər hesab edirlər ki, bu prosedur münaqişənin sülh yolu ilə nizamlanmasına və Dağlıq Qarabağın yekun hüquqi statusunun müəyyənləşdirilməsinə təsir göstərməməlidir.{nl}

Elgün NİFTƏLİYEV AzərTAc-ın xüsusi müxbiri
Vyana