Dekabrın 9-da Rusiya xarici işlər nazirinin müavini - stats-katib Qriqori Karasin ATƏT-in Minsk qrupunun həmsədrləri Bernar Fasye (Fransa), Robert Bradtke (ABŞ), İqor Popov (Rusiya) və ATƏT-in fəaliyyətdə olan sədrinin şəxsi nümayəndəsi Anji Kaspşiklə (Polşa) görüşmüşdür. 
AzərTAc Rusiyanın xarici siyasət idarəsinə istinadla xəbər verir ki, görüşdə Minsk qrupunun həmsədri vəzifəsində fransalı həmsədri əvəz edəcək səfir Jak For da iştirak etmişdir.
Söhbət əsnasında ATƏT-in Xarici İşlər Nazirləri Şurasının dekabrın 6-7-də Vilnüsdə keçirilmiş iclasının yekunları nəzərə alınmaqla, Ermənistan-Azərbaycan, Dağlıq Qarabağ münaqişəsinin həllinə dair birgə fəaliyyət məsələləri müzakirə edilmişdir.
AzərTAc