Küveyt Dövlətinin Daxili İşlər Nazirliyinin Mülki Müdafiə Komitəsinin sədri, general Yusif əl-Roudanın rəhbərlik etdiyi nümayəndə heyəti Azərbaycanda səfərdə olmuşdur.
Fövqəladə Hallar Nazirliyindən bildirmişlər ki, səfərdən əsas məqsəd bu sahədə müvafiq dövlət qurumları arasında əlaqələrin qurulması və inkişaf etdirilməsi, gələcək əməkdaşlıq perspektivlərinə dair, habelə qarşılıqlı maraq doğuran digər məsələlərin müzakirəsi olmuşdur.
Qonaqlar Azərbaycanın fövqəladə hallar naziri Kəmaləddin Heydərovla görüşmüşlər.
Kəmaləddin Heydərov nazirliyin fəaliyyəti, habelə respublika ərazisində baş verən daşqınlar, təbii fəlakətlərin qarşısının alınması və nəticələrinin aradan qaldırılması istiqamətində görülən tədbirlər barədə qonaqlara məlumat vermişdir.
Görüşdə hər iki ölkənin müvafiq qurumları arasında əməkdaşlıq əlaqələrinin qurulması və inkişaf etdirilməsi istiqamətində fikir mübadiləsi aparılmışdır.
Səfər çərçivəsində qonaqlar Fövqəladə Hallar Nazirliyinin qurumlarının fəaliyyəti ilə tanış olmuşdular.
Yusif əl-Rouda nazirliyin maddi-texniki imkanlarını və kadr hazırlığını yüksək qiymətləndirmişdir.
AzərTAc