Noyabrın 30-da Azərbaycan Respublikasının müdafiə naziri, general-polkovnik Səfər Əbiyev Bakıda səfərdə olan ATƏT-in Minsk qrupunun həmsədrləri Robert Bradke, Bernar Fasye (sabiq həmsədr), İqor Popov, ATƏT-in fəaliyyətdə olan sədrinin xüsusi nümayəndəsi Anji Kaspşik və Fransadan olan yeni həmsədr Jak For ilə görüşmüşdür. 
Müdafiə Nazirliyinin mətbuat xidmətindən AzərTAc-a bildirmişlər ki, yeni həmsədr nazirə təqdim olunmuşdur.
Sonra qonaqlar Dağlıq Qarabağ münaqişəsi və qoşunların təmas xəttində mövcud vəziyyətlə bağlı təəssüratlarını bölüşmüşlər.
Görüşdə Ermənistan-Azərbaycan, Dağlıq Qarabağ münaqişəsi ətrafında davam edən danışıqların mövcud durumu və inkişaf perspektivləri barədə geniş fikir mübadiləsi aparılmışdır.

AzərTAc