Fransanın Azərbaycandakı səfirliyi ATƏT-in Minsk qrupunun fransalı həmsədri Bernar Fasyenin missiyasının başa çatması ilə bağlı məlumat yaymışdır. 
Səfirlikdən bildirmişlər ki, səfir B.Fasye Minsk qrupundakı Fransa üzrə həmsədrlik missiyasını bu ilin sonunda başa çatdıracaqdır. Onu bu vəzifədə əvvəllər Fransanın Ukraynadakı səfiri olmuş Jak For əvəz edəcəkdir.
B.Fasye vasitəçi qismində noyabrın 28-də regiona sonuncu dəfə səfər edib. O, 2005-ci ildən Fransanı ATƏT-in Minsk qrupunda təmsil edir.
AzərTAc