Noyabrın 3-də Azərbaycanın xarici işlər naziri Elmar Məmmədyarov Münxen Təhlükəsizlik Konfransının sədri Volfanq İşingerlə görüşmüşdür. 
Xarici İşlər Nazirliyinin mətbuat xidmətindən bildirmişlər ki, görüşdə V.İşinger Azərbaycanın BMT Təhlükəsizlik Şurasının 2012-2013-cü illər üçün qeyri-daimi üzvü seçilməsi münasibətilə təbrik etmiş, uğurlar arzulamışdır.
Təhlükəsizlik Konfransının sədri respublikamızın bu mötəbər quruma qeyri-daimi üzv seçilməsini Azərbaycan kimi gənc ölkənin böyük nailiyyəti olduğunu vurğulamışdır.
Azərbaycana səfərindən məmnunluq ifadə edən V.İşinger ölkəmizin BMT Təhlükəsizlik Şurasında fəaliyyətinin uğurlu olacağına əminliyini bildirmişdir.
Görüşdə Avropa İttifaqında baş verən proseslər, xüsusən də iqtisadi məsələlər barədə fikir mübadiləsi aparılmışdır.