Ermənistan Azərbaycanın işğal olunmuş ərazilərini tərk etmək istəmir. Təəssüf ki, beynəlxalq birlik bu problemə lazımi diqqət yetirmir. 
Bu fikri Bakıda Brüsseldə fəaliyyət göstərən Avropa Siyasəti Mərkəzinin eksperti Amanda Pol səsləndirmişdir.
Ekspert vurğulamışdır ki, Azərbaycanın BMT Təhlükəsizlik Şurasının qeyri-daimi üzvü seçilməsinin çox böyük əhəmiyyəti vardır. Azərbaycan bu kürsüdən Dağlıq Qarabağ məsələsi ilə bağlı beynəlxalq ictimaiyyətə təsir göstərmək üçün istifadə edə bilər.
A.Pol demişdir: "Görünür ki, Ermənistan status-kvonu saxlamaq istəyir. Bu da Azərbaycan və beynəlxalq birlik üçün qəbuledilməzdir. Ümidvarıq ki, beynəlxalq birlik, münaqişəyə lazımi diqqət yetirib öz qəti mövqeyini bildirəcəkdir".