Rusiya Dağlıq Qarabağ ətrafında vəziyyətin nizama salınması üzrə danışıqlar prosesinə bundan sonra da kömək göstərəcəkdir.
AzərTAc Rusiyanın kütləvi informasiya vasitələrinə istinadən xəbər verir ki, bu barədə oktyabrın 24-də Rusiya Prezidenti Dmitri Medvedev öz erməni həmkarı Serj Sarkisyan ilə danışıqların yekunlarına dair mətbuat konfransında demişdir.
Rusiya Prezidenti S.Sarkisyanla Dağlıq Qarabağ ətrafındakı vəziyyət barədə fikir mübadiləsi apardığını qeyd edərək demişdir: "Danışıqlarımızın mühüm mövzusu Zaqafqaziyada sabitliyin möhkəmləndirilməsi olmuşdur".
Rusiya dövlətinin başçısı bildirmişdir: "Mən şəxsən əminəm ki, münaqişənin ədalətli həllinə yalnız siyasi yolla nail olmaq mümkündür". Dmitri Medvedev xatırlatmışdır ki, son illər bu istiqamətdə xeyli iş görülmüşdür.
Rusiya Prezidenti demişdir: "Rusiya Minks qrupunun (ATƏT) həmsədri kimi və Azərbaycanla Ermənistan rəhbərliklərinin birbaşa əlaqələri xətti ilə danışıqlar prosesinə bundan sonra da kömək göstərmək niyyətindədir".

AzərTAc