Azərbaycan böyük və nəhəng potensiala malik olan dövlətdir. ABŞ bu potensialı inkişaf etdirməkdə israrlıdır. Çünki Azərbaycan ABŞ üçün mühüm və uzunmüddətli tərəfdaşdır.
Bu sözləri Azərbaycanda səfərdə olan ABŞ dövlət katibinin müavini Uilyam Börns demişdir.
Bakıda olmaqdan məmnunluğunu ifadə edən U.Börns Azərbaycana ikinci dəfə səfər etdiyini qeyd etmişdir. Dövlət katibinin müavini vurğulamışdır ki, Azərbaycana səfərinin məqsədi ölkələrimiz arasında əlaqələrin inkişaf perspektivlərini müzakirə etməkdir. Səfər çərçivəsində keçirilən görüşlərdə enerji məsələləri və demokratik islahatlarla bağlı geniş fikir mübadiləsi aparılmışdır.
U.Börns bildirmişdir ki, ABŞ Azərbaycan ilə ekstremizmə qarşı mübarizə və enerji marşrutlarının şaxələndirilməsi sahələrində əməkdaşlığı davam etdirməyə hazırdır.

AzərTAc