BMT Dağlıq Qarabağın Azərbaycanın ərazisi olduğunu və bu bölgənin erməni hərbi birləşmələri tərəfindən işğal edildiyini növbəti dəfə bəyan etmişdir.
Bu bəyanat BMT-nin Məlumat Mərkəzinin Azərbaycanın xarici işlər naziri Elmar Məmmədyarovun BMT Baş Məclisinin 66-cı sessiyasında çıxışı və erməni nümayəndəsinin buna reaksiyasına dair məlumatında öz əksini tapmışdır. Məlumatda qeyd olunmuşdur ki, Azərbaycan və Ermənistandan olan yüksək vəzifəli rəsmilər Azərbaycanın bir hissəsi olan, lakin erməni silahlı qüvvələri tərəfindən işğal edilmiş Dağlıq Qarabağ regionuna dair BMT Baş Məclisində fikirlərini açıqlamışlar.
BMT-nin məlumatında E.Məmmədyarovun Azərbaycan torpaqlarının 20 faizinin işğal altında olduğu, Ermənistan rəhbərliyinin yeni nəsli müharibəyə təhrik etdiyi barədə fikirləri də yer almışdır.