"Dağlıq Qarabağda seçkilərin keçirilməsi münaqişənin sülh yolu ilə həlli prosesinə təsir göstərə bilməz". APA-nın məlumatına görə, bu bəyanatla Rusiya Xarici İşlər Nazirliyinin rəsmi nümayəndəsi Aleksandr Lukaşeviç çıxış edib.
Lukaşeviçin bəyanatı Rusiya Xarici İşlər Nazirliyinin saytında yerləşdirilib.
Bəyanatda həmçinin qeyd olunur ki, Rusiya ATƏT-in Minsk Qrupunun digər həmsədrləri olan ABŞ və Fransa ilə birlikdə Dağlıq Qarabağ münaqişəsinin nizamlanması istiqamətində aktiv vasitəçilik səylərini davam etdirir: "Azərbaycan və Ermənistan tərəfinə Qarabağ düyününün çözülməsi üçün kompromisin tapılmasında dəstəyi davam etdirəcəyik. Ərazi bütövlüyü, güc tətbiq etməmək prinsiplərinə beynəlxalq hüququn digər əsas prinsipləri kimi dəstək verdiyimizi təsdiqləyirik".