Səfər Azərbaycan ilə Şri-Lanka arasında əməkdaşlığın inkişaf etdirilməsi baxımından faydalı olacaqdır.
Bu sözləri AzərTAc-a Azərbaycanda səfərdə olan Şri-Lanka Demokratik Sosialist Respublikasının BMT yanında daimi nümayəndəsi, səfir Paliza Kohona bildirmişdir.
Ölkəmizdə səfərdə olduğundan məmnunluğunu ifadə edən diplomat Azərbaycandakı sosial-iqtisadi islahatları və respublikamızın dinamik inkişafını yüksək qiymətləndirmişdir.
P.Kohona Azərbaycan ilə Şri-Lanka arasında diplomatik əlaqələrin genişləndirilməsinin vacibliyini vurğulamışdır.