Azərbaycanın Fransadakı səfirliyi bu ölkənin Xarici İşlər Nazirliyinə Fransa parlamentinin bir qrup deputatının Azərbaycanın Ermənistan tərəfindən işğal olunmuş ərazilərinə qeyri-qanuni səfəri ilə bağlı etiraz notası təqdim etmişdir.
Azərbaycanın Xarici İşlər Nazirliyinin mətbuat xidmətindən bildirmişlər ki, rəsmi Bakı notada fransız deputatların Dağlıq Qarabağa səfəri ilə bağlı izahat tələb etmişdir.
Xatırladaq ki, Ermənistan KİV-ləri Fransadan olan bir qrup deputatın Azərbaycanın işğal altında olan ərazilərinə səfər etdiyi, orada bir sıra görüşlər keçirdiyi barədə xəbərlər yaymışdır.