Brüsseldə Rusiya xarici işlər nazirinin müavini Aleksandr Qruşkonun Avropa İttifaqı (Aİ) Şurası Baş Katibliyi Siyasi Departamentinin rəisi Xelqa Şmid və Avropa Komissiyasının xarici əlaqələr üzrə baş direktoru Juan Almeyd ilə görüşündə Ermənistan-Azərbaycan, Dağlıq Qarabağ münaqişəsi müzakirə olunmuşdur.
Rusiyanın Xarici İşlər Nazirliyinin saytında bildirilir ki, bundan əlavə, görüşdə Rusiya Federasiyası ilə Avropa İttifaqı arasında yeni baza sazişinə dair danışıqların gedişi, Rusiya ilə Aİ arasında vizasız gediş-gəlişin tətbiqinin perspektivləri, ikitərəfli əməkdaşlıq və digər məsələlər ətrafında fikir mübadiləsi aparılmışdır.
Vankuverdən Vladivostoka qədər olan məkanda təhlükəsizliyin və sabitliyin möhkəmləndirilməsi də prioritet mövzulardan olmuşdur.
AzərTAc{nl}