"Mən Ermənistan tərəfinin mövqeyini neqativ qiymətləndirirəm. Çünki onlar Ermənistan-Azərbaycan, Dağlıq Qarabağ münaqişəsinin nizamlanması ilə bağlı danışıqlar prosesini ləngidirlər". Bu sözləri mayın 14-də Azərbaycanın xarici işlər naziri Elmar Məmmədyarov demişdir.
Nazir vurğulamışdır ki, artıq üç həmsədr ölkə tərəfindən Madrid prinsiplərinin yeniləşmiş variantı hazırlanmış və tərəflərə təklif olunmuşdur. Son iki il ərzində geniş danışıqlar aparılmışdır. Həmsədrlər regiona gəlirlər, prezidentlərin 9 görüşü olmuşdur. Azərbaycan prinsipcə bu sənədi qəbul edir və onun əsasında geniş sülh sazişi üzərində işə başlamağa hazırdır. Lakin Ermənistan indiyədək bu sənədlə bağlı dəqiq cavab verməmişdir. Ona görə də təəssüf ki, iş ləngiyir. Bu isə çox mənfi haldır.
AzərTAc{nl}