"Ermənistanda dərin siyasi böhranın baş verməsi labüddür". Bu fikri Milli Məclisin deputatı, politoloq Rasim Musabəyov demişdir. 
R.Musabəyov bildirmişdir ki, hazırda bu ölkənin iqtisadi cəhətdən ağır durumda olması ciddi sosial partlayışla nəticələnə bilər. Ermənistanın işğalçılıq siyasətindən əl çəkməməsi onu belə ağır vəziyyətə salan əsas amillərdən biridir: "Əlbəttə ki, ermənilərin xarici ianələr hesabına yaşaması daimi olan məsələ deyil. Sarkisyan hakimiyyəti onları fəlakətə sürükləyir. Əgər Ermənistan sosial-iqtisadi böhrandan qurtulmaq istəyirsə, işğal etdiyi Azərbaycan torpaqlarından çıxmalı, sülhə gəlməlidir. Beynəlxalq təşkilatlar, həmsədrlər Ermənistan hakimiyyətini ağıla gətirməlidirlər ki, tutduğu bu yol onlara müsbət heç nə vəd etmir" - deyə politoloq qeyd etmişdir.