APA-nın məlumatına görə, bu fikirləri erməni kütləvi informasiya vasitələrinə açıqlamasında Rusiya Dövlət Dumasında hakim "Vahid Rusiya" partiyasından deputat, politoloq Serqey Markov deyib. 
Rusiyalı millət vəkili hazırkı danışıqların irəliləmə sürətindən rəsmi Bakının narazı qaldığını da bildirib. Bununla belə o qeyd edir ki, Rusiya rəhbərliyi tərəqqiyə nail olmaq üçün ciddi səylər göstərir: "Hazırda Qarabağ münaqişəsinin həllinə dair danışqlar kifayət qədər intensiv mərhələdədir. Medvedev çox ciddi səy göstərsə də, münaqişənin nizamlanmasına nail ola bilməyib".
Deputat hesab edir ki, hazırkı danışıqlar formal olaraq münaqişənin həllinə yönəlsə də, faktiki cəhətdən münaqişənin yenidən alovlanmamasına səy göstərilir. Markovun fikrincə, danışıqlarda tərəqqinin əldə edilməməsi münaqişənin yenidən gərginləşəcəyi şanslarını artırmış olur.