Azərbaycanın Kanadadakı səfirliyindən bildirmişlər ki, iyulun 25-dən 27-dək səfir Fərid Şəfiyev bu ölkənin Nyu Bransvik əyalətində olmuşdur.
Səfər zamanı F.Şəfiyev əyalətin paytaxtı Frederikton şəhərinin meri Brad Vudsayd, kənd təsərrüfatı naziri Maykl Olskəmp və enerji naziri Kreq Leonard ilə görüşmüşdür.
Görüşlər zamanı qarşılıqlı ticarət əlaqələri müzakirə olunmuşdur. Bildirilmişdir ki, əyalətdə yerləşən "İrvinq" şirkəti 2010-cu ildə Azərbaycandan 300 milyon ABŞ dolları həcmində neft məhsulları almışdır.
Səfir Nyu Bransvikin Kartof İnkişaf Mərkəzində olmuş, səfər çərçivəsində əyalətin "The Daily Gleaner" ve "L'Acadie Nouvelle" qəzetlərinə müsahibə vermişdir.

AzərTAc