Azərbaycanın xarici işlər naziri Elmar Məmmədyarov ölkəmizdə diplomatik fəaliyyətini başa vurması ilə əlaqədar Böyük Britaniyanın Azərbaycandakı səfiri xanım Karolin Braun ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, görüş zamanı K.Braun Azərbaycanda Böyük Britaniyanın səfiri olmasından məmnunluğunu vurğulamışdır. Fəaliyyəti dövründə ölkələr arasındakı münasibətlərin daha da genişlənməsi və inkişafı üçün çalışdığını söyləyən səfir bu istiqamətdə Azərbaycan Respublikasının Xarici İşlər Nazirliyi ilə faydalı əməkdaşlığını qeyd etmişdir.
Nazir E.Məmmədyarov Karolin Brauna xoş arzularını bildirmiş və gələcək işlərində müvəffəqiyyətlər arzulamışdır.{nl}