Azərbaycanın xarici işlər naziri Elmar Məmmədyarov ölkəmizdə diplomatik fəaliyyətini başa vurması ilə əlaqədar Rumıniyanın Azərbaycandakı səfiri Nikolae Ureke ilə görüşmüşdür.
Xarici İşlər Nazirliyinin mətbuat xidmətindən bildirmişlər ki, görüş zamanı N.Ureke Azərbaycanda Rumıniyanın səfiri olmasından məmnun olduğunu vurğulamışdır. Fəaliyyəti dövründə ölkələr arasındakı münasibətlərin daha da genişlənməsi və inkişafı üçün çalışdığını söyləyən səfir bu istiqamətdə Azərbaycan Respublikasının Xarici İşlər Nazirliyi ilə faydalı əməkdaşlığını qeyd etmişdir.
Nazir E.Məmmədyarov səfir Nikolae Urekeyə xoş arzularını bildirmiş, gələcək işlərində müvəffəqiyyətlər arzulamışdır.
AzərTAc

{nl}