"Son səfərimdə Azərbaycanda gördüyüm tərəqqi məni heyran etdi. Azərbaycan dövləti qısa zamanda böyük inkişaf yolu keçib və mühüm irəliləyişlərə nail olmuşdur. Xüsusilə də insan hüquqlarının təminatı sahəsində atılan addımlar məmnunluq hissi yaradır".
Bu fikirləri ATƏT Parlament Assambleyası sədrinin Cənubi Qafqaz və Dağlıq Qarabağ üzrə yeni təyin olunmuş xüsusi nümayəndəsi Joao Suareş bildirmişdir.
Dünyanın diqqət mərkəzində olan Ermənistan-Azərbaycan, Dağlıq Qarabağ münaqişəsinin nizamlanmasının vacibliyini vurğulayan xüsusi nümayəndə demişdir ki, problemin həll olunmaması bütövlükdə regionun inkişafına mənfi təsir göstərir.
O demişdir: "Cənubi Qafqaz regionunda sülhü və təhlükəsizliyi təmin etmək üçün parlamentlər çox iş görə bilər. Mən bu regiona yaxşı bələdəm. Regiona növbəti səfərim zamanı parlamentlərdə keçirəcəyim görüşlərdə də bu və digər məsələləri müzakirə edəcəyəm".

AzərTAc