"The FOUNDRY" nəşrinin səhifələrində amerikalı analitik Ariel Koenin Azərbaycana məxsus təyyarənin Əfqanıstanda qəzaya uğraması ilə bağlı məqaləsi dərc edilib.
"Azadinform"un məlumatına görə, o bildirib ki, bir sıra ölkələr Əfqanıstandan öz qoşunlarını çıxarmağa başladıqları bir vaxtda bu kiçik müsəlman ölkəsi sülhyaratma missiyasına öz töhfəsini verir: "ABŞ və NATO bunu xüsusi qeyd etməlidir". O, Azərbaycan və Gürcüstanın əfqan koalisiyasında xüsusi strateji əhəmiyyət kəsb etdiyini qeyd edib.
"Pentaqonun o vaxtkı rəhbəri Robert Geyts Bakıya səfəri zamanı şəxsən Prezident İlham Əliyevə Əfqanıstandakı dəstəyə görə təşəkkür edib. Bundan əlavə, xarici işlər naziri Elmar Məmmədyarov bu yaxınlarda bildirib ki, Azərbaycan bundan sonra Əfqanıstanda sabitliyin əldə olunması üçün qoşunların sayını iki dəfə artırmağa hazırdır. Özü də bütün bunlar rəsmi Bakının Əfqanıstana humanitar köməyinə əlavədir" - deyə məqalədə bildirilir.