Rusiya və ABŞ prezidentləri arasında telefon söhbəti olmuşdur. Dövlət başçıları Ermənistan-Azərbaycan, Dağlıq Qarabağ münaqişəsini də müzakirə etmişlər. 
AzərTAc Rusiya Prezidentinin rəsmi saytına istinadən xəbər verir ki, Barak Obama və Dmitri Medvedev Ermənistan-Azərbaycan, Dağlıq Qarabağ münaqişəsinin nizamlanması ilə bağlı fikir mübadiləsi aparmışlar.
B.Obama D.Medvedevin bu istiqamətdəki səylərini, xüsusilə, Azərbaycan və Ermənistan prezidentlərinin Kazan görüşünün təşkilini yüksək qiymətləndirmişdir. ATƏT-in Minsk qrupunun həmsədri olan ölkələrin rəhbərləri kimi hər iki dövlət başçısı İrəvan və Bakı arasında problemin sülh yolu ilə həllinə yardım məqsədi ilə gələcəkdə də müəyyən addımların atılmasına əminlik ifadə etmişlər.