Xarici işlər naziri Elmar Məmmədyarov Azərbaycanda diplomatik fəaliyyətinin başa vuran ATƏT-in Bakı ofisinin rəhbəri, səfir Əli Bilge Cankorel ilə görüşmüşdür. 
Xarici İşlər Nazirliyinin mətbuat xidmətindən bildirmişlər ki, görüşdə səfir Ə.B.Cankorel ATƏT-in Bakı ofisinin rəhbəri kimi Azərbaycanda fəaliyyətindən məmnunluğunu vurğulamışdır. Diplomatik xidməti dövründə təmsil etdiyi təşkilat ilə Azərbaycan arasındakı münasibətlərin daha da genişlənməsi və inkişafı üçün çalışdığını deyən səfir bu istiqamətdə Xarici İşlər Nazirliyi ilə faydalı əməkdaşlığını qeyd etmişdir.
Nazir E.Məmmədyarov səfir Ə.B.Cankorelə gələcək fəaliyyətində müvəffəqiyyətlər arzulamışdır.