Qırğızıstan Parlamentinin (Joqorku Keneş) sədri Axmatbek Keldibekov iyulun 3-də Azərbaycana rəsmi səfərə gəlmişdir.
Heydər Əliyev Beynəlxalq Aeroportunda qonağı Milli Məclis sədinin müavini Valeh Ələsgərov və digər rəsmi şəxslər qarşılamışlar.
A. Keldibekov hava limanında jurnalistlərə bildirmişdir ki, Qırğızıstan ilə Azərbaycan arasındakı möhkəm dostluq əlaqələri vardır. Müstəqilliyimizi bərpa etdikdən sonra münasibətlərimiz yeni mərhələyə qədəm qoymuşdur. Səfərin məqsədi dinamik inkişaf edən Azərbaycan ilə ikitərəfli əlaqələrin genişləndirilməsinə dair fikir mübadiləsi aparmaqdır.
Səfər çərçivəsində Azərbaycan və Qırğızıstan parlamentləri arasında əməkdaşlıq memorandumu imzalanacaqdır.
A. Keldibekov ölkəmizə rəsmi səfəri çərçivəsində bir sıra görüşlər keçirəcək, Dünya Azərbaycanlılarının III Qurultayında iştirak edəcəkdir.

AzərTAc