Ukrayna prezidenti Viktor Yanukoviç ölkəsinin ATƏT-ə sədrlik edəcəyi müddətdə Dağlıq Qarabağ münaqişəsinin nizamlanması prosesinə maksimal səy göstərəcəyini bəyan edib.
O, bunu Kiyevdə erməni həmkarı Serj Sarkisyanla birgə keçirdiyi görüşdə bildirib. "Azadinform" "LІQABіznesІnform"a istinadən xəbər verir ki, Yanukoviç bildirib: "Ukrayna Ermənistan və Azərbaycanla çox gözəl dostluq və tərəfdaş münasibətlərinə malikdir. "Münaqişənin nizamlanmasının sülh yolu ilə həlli bizim maraqlarımıza uyğundur. Biz dostlarımıza münaqişənin ATƏT-in Minsk qrupu çərçivəsində sülh yolu ilə həllini tapmağı arzulamaq istəyirik. Ukrayna 2013-cü ildə ATƏT-ə sədrlik edəcək və biz danışıqlar prosesinin irəliləməsi üçün maksimum səy göstərəcəyik" - deyə o əlavə edib.