Azərbaycanda neçə müddətdir ki, "Siyasi partiyalar haqqında" qanun layihəsinə əlavə və dəyişikliklərin edilməsi və yaxud yeni qanun layihəsinin qəbulu müzakirə edilməkdədir.
Artıq Prezident Administrasiyası tərəfindən "Siyasi partiyalar haqqında" qanun layihəsi rəy verilməsi üçün Avropa Şurası Venesiya Komissiyasına göndərilib. Bu barədə "Azadinform"a müsahibəsində Prezident Administrasiyasının ictimai-siyasi məsələlər şöbəsinin müdiri Əli Həsənov bildirib. Hazırda Venesiya Komissiyası qanun layihəsini öyrənir. Sentyabra qədər qanun layihəsinin beynəlxalq təşkilatların iştirakı ilə siyasi partiyalarla birgə ictimai müzakirəsi təşkil olunacaq. Qanun layihəsinin parlamentin payız sessiyasında müzakirəyə çıxarılması gözlənilir.