MDB ölkələrinin ATƏT-dəki daimi nümayəndələri 1941-1945-ci illərin Böyük Vətən müharibəsində Qələbənin 65-ci ildönümü ilə bağlı bəyanat qəbul etmişlər.
Bəyanat mayın 6-da ATƏT-in Daimi Şurasında yayılmışdır.
Bəyanatda deyilir: "Hazırda bəşəriyyətin üzləşdiyi ciddi təhlükələr - millətçi ideologiya, ekstremizm və ksenofobiya kimi ümumi təhlükə qarşısında beynəlxalq birliyin səylərinin birləşdirilməsi təcrübəsi çox labüddür. 9 May - Qələbə Günü bəşəriyyətin yaddaşında dünyanın və Avropa xalqlarının faşizmdən azad edilməsi, İkinci Dünya müharibəsinin bitməsini yaxınlaşdıran bir tarix kimi qalacaqdır. Bu tarix on milyonlarla qurban verərək bugünkü insanların azadlıq və müstəqilliyini təmin edən bizim ölkələrin xalqlarının böyük igidliyini xatırladır. Onların xatirəsi həmişə ürəklərdə yaşayacaqdır".
Səfirlər yetişməkdə olan nəslə faşizmlə mübarizədə ümumi qəhrəmanlıq tarixi ilə fəxr etmək hissinin aşılanmasının vacibliyini vurğulamışlar. Onlar ATƏT-in üzvü olan bütün ölkələri sülhün qorunması naminə təhlükəsizlik məkanının bölünməməsi, münaqişələrin yalnız sülh yolu ilə, beynəlxalq hüququn normaları və prinsipləri çərçivəsində, Helsinki Yekun Aktının maddələrinə uyğun nizamlanması üçün fəal əməkdaşlığa çağırmışlar.
AzərTAc{nl}