Dağlıq Qarabağ münaqişəsinin sülh yolu ilə nizamlanması şansı hər zaman olduğundan yüksəkdir.
Bu sözləri jurnalistlərə Rusiyanın xarici işlər nazirinin müavini Sergey Ryabkov ABŞ, Fransa və Rusiya prezidentlərinin Dovil bəyanatını şərh edərkən demişdir.
S.Ryabkov bildirmişdir ki, əgər son "G-8" sammitlərində bu problemlə bağlı qəbul edilmiş qətnamələri müqayisə etsək, belə bir nəticə çıxarmaq olar ki, münaqişənin sülh yolu ilə nizamlanması şansı əvvəlkindən çox yüksəkdir. Biz artıq yeni münaqişənin astanasında deyilik, daha çox nizamlanma prosesinə yaxınıq. Çox böyük əlaqələndirilmiş iş aparılmışdır.