Avropa Parlamentinin sədri Yeji Buzek Dağlıq Qarabağın müstəqilliyini tanımadığını bəyan etmişdir. 
Bunu diplomat Ermənistana səfəri çərçivəsində Yerevanda keçirdiyi mətbuat konfransında demişdir.
Yeji Buzek vurğulamışdır: "Biz Dağlıq Qarabağı müstəqil ərazi vahidi kimi tanımırıq. Avropa Parlamenti hər zaman dövlətlərin ərazi bütövlüyünü əsas prinsip hesab edir".
Sədr insanların dinc şəraitdə yaşamaq və inkişaf etmək hüququnun vacibliyini qeyd edərək demişdir ki, münaqişənin həll olunmaması regionun inkişafına böyük əngəldir. Döyüşmək yox - dostluq əlini uzatmaq daha yaxşıdır və nəticədə bütün Avropa ərazisində təhlükəsizlik bərpa olmalıdır.

AzərTAc