ABŞ konqresmeni Cim Moran Amerika Azərbaycanlıları Şəbəkəsinin (USAN) həmtəsisçisi və baş direktoru Adil Bağırovun Ermənistan-Azərbaycan, Dağlıq Qarabağ münaqişəsinin nizama salınması ilə əlaqədar müraciətinə cavab vermişdir.
Konqresmen cavab məktubunda bu məsələ ilə əlaqədar ona müraciət edildiyinə görə təşəkkürünü bildirmişdir. O demişdir: "Sağ olun ki, mənə Dağlıq Qarabağ münaqişəsi və xüsusilə Laçın haqqında yazmısınız. Həmin mövzunun Konqresin hazırkı sessiyasında müzakirə edilməsinə nail olmaq niyyətindəyəm".
Cim Moran, həmçinin qeyd etmişdir ki, ABŞ münaqişənin ATƏT-in Minsk qrupu çərçivəsində bütün aspektlər üzrə nizama salınmasına dair hərtərəfli səyləri fəal surətdə dəstəkləyir.