"Dağlıq Qarabağda Avropa İttifaqının ofisinin açılacağı barədə xəbərlər şayiədir"
"Avropa İttifaqı beynəlxalq birlik tərəfindən qəbul olunmuş ölkə və təşkilatlarla əlaqələr qurur və əməkdaşlıq edir. Buna görə də Avropa İttifaqı Dağlıq Qarabağla əlaqələr qurmaq niyyətində deyil".
APA -nın məlumatına görə, bu fikirləri Avropa İttifaqının Azərbaycandakı nümayəndəliyinin rəhbəri, səfir Roland Kobia söyləyib. O təmsil etdiyi qurumun Azərbaycan və Ermənistanla əməkdaşlıq etdiyini deyib: "Bəzi kütləvi informasiya vasitələrində Avropa İttifaqının guya Dağlıq Qarabağda öz ofisini açmağa hazırlaşması barədə gedən məlumatlar şayiədən başqa bir şey deyil. Belə bir ofis açıla bilməz, Avropa İttifaqı buna icazə verməz".