"Serj Sarkisyanın Azərbaycanın qədim ərazisi olan Şuşanın işğalını "azad olunma" kimi dəyərləndirməsi təxribat məqsədi daşıyır". 
APA-nın məlumatına görə, bu açıqlamanı jurnalistlərə Milli Məclisin sədr müavini Bahar Muradova verib. O qeyd edib ki, Ermənistanda Şuşanın işğal gününün təntənə ilə bayram kimi qeyd edilməsi və prezident Serj Sarkisyanın həqiqətə uyğun olmayan qərəzli fikirlər söyləməsi beynəlxalq aləmin diqqətindən yayınmamalıdır. Milli Məclis sədrinin müavini Azərbaycanın təxribatlara uymayacağını söyləyib: "Azərbaycan tutduğu yolla məsələnin həllinə nail olacaq. İnanıram ki, bu yol əvvəl-axır Azərbaycanı uğura çatdıracaq".