Aprelin 27-də Azərbaycan Milli Məclisinin sədri Oqtay Əsədov Astanada keçirilən TürkPA-nın ikinci plenar iclası çərçivəsində Türkiyə Böyük Millət Məclisinin rəhbəri Mehmet Əli Şahinlə görüşmüşdür. 
Oqtay Əsədov türkiyəli həmkarı ilə görüşündən məmnun olduğunu bildirmiş, Türkiyə ilə Azərbaycan arasında əlaqələrin yüksək səviyyədə olduğu qeyd edilmişdir.
Görüşdə qardaş ölkələr arasında siyasi, iqtisad, mədəni və digər sahələrdə ikitərəfli əlaqələrin daha da inkişaf etdirilməsi, parlamentlərarası əməkdaşlığın dərinləşdirilməsi, TürkPA çərçivəsində fəaliyyətin genişləndirilməsi, Ermənistan-Azərbaycan, Dağlıq Qarabag münaqişəsinin sülh yolu ilə həllində ölkəmizin təşəbbüsləri və digər məsələlər müzakirə edilmişdir.
TürkPA Katibliyinin xətti ilə ötən ilin may ayında Türkiyə Böyük Millət Məclisinin 90 illiyi münasibətilə Bakıda konfrans keçirilməsi də təqdir olunmuşdur.

* * *
Həmin gün Azərbaycan Milli Məclisinin sədri Oqtay Əsədov Qırğızıstan parlamenti-Joqorku Keneşin sədri Axmatbek Keldibekovla da görüşmüşdür.
Görüşdə ölkələrimiz arasında hərtərəfli əməkdaşlıq məsələləri, parlamentlərin əlaqələrinin genişləndirilməsi, qarşılıqlı səfərlərin müntəzəm xarakter alması və digər məsələlər müzakirə olunmuşdur.
Oqtay Əsədov Ermənistan-Azərbaycan, Dağlıq Qarabağ münaqişəsi haqqında məlumat vermiş, Ermənistanın qeyri-konstruktiv mövqe tutması ucbatından problemin həllinin uzandığını diqqətə çatdırmışdır.
Axmatbek Keldibekov Ermənistan-Azərbaycan, Dağlıq Qarabağ münaqişəsinin həllində Azərbaycanın ədalətli mövqeyini müdafiə etdiklərini bildirmişdir.
Görüşlərdə ölkəmizin Qazaxıstandakı səfiri Zakir Həşimov iştirak etmişdir.