"Danışıqlar prosesini inkişaf etdirmək baxımından həmsədrlərin bölgəyə intensiv səfərləri müsbət hal kimi qəbul oluna bilər. Amma əsas məsələ bu prosesdə nəticələrə nail olmaqdır".
Bu fikirləri Milli Məclisin deputatı, politoloq Rasim Musabəyov deyib. O daha sonra bildirib ki, proseslər Ermənistanın münaqişənin həll edilməsində maraqlı olmadığını göstərir. Minsk qrupu həmsədrlərinin regiona gözlənilən növbəti səfərində bu məqam onların diqqətinə çatdırılmalıdır.
"Ermənistana ciddi beynəlxalq təzyiqlər olmasa, münaqişənin həlli üçün addım atmayacaq" - deyən politoloqun sözlərinə görə işğalçı dövlət xoşluqla öz məqsədindən əl çəkmək istəmir. Belə olan təqdirdə, beynəlxalq birlik Ermənistanın mövqeyini sükutla qarşılamamalıdır.