"Guya kimlərsə, o cümlədən parlamentin üzvləri kimlərinsə mitinq keçirmək cəhdindən narahatlıq keçirir. Xeyr. Azərbaycanda heç kim çox az sayda tərəfdarları olan qüvvələrin mitinq keçirmək cəhdindəm narahatlıq keçirmir". SİA-nın məlumatına görə, bu sözləri Yeni Azərbaycan Partiyasının icra katibi, millət vəkili Əli Əhmədov Milli Məclisin aprelin 15-də keçirilən iclasında çıxışı zamanı deyib. O bildirib ki, müxalifətin bu yolla hər hansı bir nailiyyət əldə etmək şansı yoxdur. Azərbaycanda insanları düşündürən, sözün əsl mənasında narahatlıq yaradan məsələ ölkədə radikal müxalifətin düşmənçilik psixologiyasıdır: "Yetər ki, kimsə hakimiyyətdə təmsil olunsun, kimsə parlamentin üzvü olsun, kimsə yaxşı yaşasın o, radikal müxalifət üçün düşmənə çevrilir. Nəticə etibarı ilə bu düşmənçilik psixologiyası əslində Azərbaycana qarşı çevrilmiş olur. Bu, Azərbaycan həqiqətinin müxalifətlə bağlı reallıqlarıdır. Radikal müxalifətin qanadı altında olan qəzetlərə baxmaq yetərlidir ki, müxaliflərin Azərbaycana, onun vətəndaşına düşmən münasibətinə yəqinlik hasil edəsən. Bu gələcəkdə qorxulu məqama çevrilə bilər"